රිදී නිම්ණය
කර්තෘ - කරුණාසේන ජයලත්
1973 වසරේ රාජ්‍ය සාහිත්‍ය සම්මාණලාභී නවකතාව.
උපන් ගම් දොර හැරපියා ,ආණ්ඩුවෙන් ලද ඉඩමක පදිංචියට, දෙමාපියන් සහ සොයුරු සොයුරියන් සමඟ රිදී නිම්ණයට පැමිණි කුසලා මට මුන ගැසුනේ පාසැල් කාලයේදීය. ඇය පිලිබඳ මතකය අලුත් කර ගැනීමට මම නැවත වතාවක් සිල්ලර එලියට (Silver Valley යන ඉංග්‍රීසි නමින් බිඳී ආ සිල්ලර එලිය ) පා නැඟුවෙමි.
කුඩා දැරියක් ලෙස සිල්ලර එළියේ දිවි අරඹන කුසලාගේත්, ඇගේ පවුලේත් දෛනික අරගලය වූයෙ කුසගින්න සමඟය. ඔවුන් ගම් දොර හැර ආවේත්, බඩේ ඇවිලෙන ගින්දරට සිසිලසක් බලාපොරොත්තුවෙනි. ප්‍රාථමික පාසැල් දැරියකගේ සිට සාමාන්‍ය පෙල සිසුවියක දක්වා ඇගේ දෘශ්ඨි කෝණයෙන් , කුසලා අපට ජීවිතය ගැන කියා දෙන්නීය.
මේ කෘතිය ප්‍රකාශ කොට හතළිස් වසක් පසුවූ වර්තමානයේත්, අනන්ත අප්‍රමාණ කුසලා වැනි දැරියන් අප අතර ජීවත් වෙති. ඇය පමණක් නොව එහි එන චරිත සියල්ලක්ම කිසිදු වෙනසක් නැතිව තවම රට පුරා සිටින්නේ යැයි අවිවාදයෙන්ම කිව හැක.
බඩට හරි හමන් කෑමක්ද , ගතට අඳින්නට ඇඳුම්ද නැතිව හෝ පාසැල් ගොස් ඉගෙනීම ලබා ජීවිතයේ අභියෝග වලට බලාපොරොත්තු සහගතව මුහුණ දෙන සියල්ලන්ටම මේ පොත උපහාරයකි.
මා,පිය දූ දරු බැඳීම, යෞවනය,විරැකියාව ,දිලිඳු කම ,පන්ති පරතරය යනාදී තේමාවන් කතාවේ චරිත සමඟ මනාව ගලපා ඇත.
ජයලත් මහතාණෙනි, ඔබ තරම් සංවේදී ලෙස මිනිස් හැඟීම් ගැන ලියූ අයෙකු මට තවම කියවීමට ලැබී නැත.
මෙම ලිපිය
How can i find this book?
ReplyDelete